شعر علي صحافه
مابين الصورتين ( ناصر- سيس) تاريخ مزيف ملطخ بالفساد
...
وبلاد حزينه لابسه علينا الحداد ....
ماتت النخوه في نفوس رخوه تايهه
بين ثوره ضاعت وارواح غابت وطفل اضناه السهاد ...
مستني والده والّا اخوه
والاب ساكن هناك بعيد اصله شهيد ....
والاخ تايه بين السجون تُهمه كتيره مكتفاه
في ايديه حديد
ولو كان مريض يربطوه ف السرير
ده اصله خاين وفي وشه باين ستين مصيبه
بيقول جعان عطشان عايز اصرخ واقول امان
وفين فلوسي وارضي هتكتوا عرضي والساكت جبان
اصرخ واقول انا مش جبان انا انسان رقبته في كفه
والسجان جبان اصله حرامي وقال ايه هو اللي حامي
طيب بيحمي ايه غير الكرسي ويوزع غنايم يمين شمال
واحنا مش عبيد ويوم ما نصحي تلاقي العيال
تكسر كراسي وكل شهم وحر حامي يملي الميدان
وخلي بلادي تشيل
حدادي واقول ولادي اتحدوا الجبان
رجالك قاموا يرجعوك
يا سليبه وجيش بلادي سيطر وخان
ليست هناك تعليقات:
إرسال تعليق