اسمه ايه لشاعر
العاميه امين الديب
هو انت من دوله
قوم فذ من هنا قوم فذ ماتحبسناش
بتجيب فى سيرة اسمه ايه والفجر لسه ماجاش
فاكر فى يوم اسمه ايه
يوم احتفال اسمه ايه
ساعه مامات اسمه ايه
وجه بداله اسمه ايه
عمل قانون اسمه ايه
وبيه مخلى اسمه ايه
باشا فى أمن اسمه ايه
يقطع لسان اسمه ايه
لو جاب فى سيرة اسمه ايه
عقبال سلامه ابن ايه
ويحطه فى اللى اسمها ايه
من غير محاكمه اسمها ايه
تقعد سنين منحاش
فكرك تحوش اسمه ايه
هو اسمه ايه ينحاش
قال ياام بتعه انتى ايه
قاصدك تخلى اسمه ايه
يحبسنى فى اللى اسمها ايه
من غير محاكمه اسمها ايه
اقعد سنين منحاش
انا جبت سيرة اسمه ايه
وفرضنا قلت اسمه ايه
ماهو برضه ماغلطناش
ليست هناك تعليقات:
إرسال تعليق